Stor deltaking på friidrettstemne onsdag 21. september.

Det vart eit flott stemne med god deltaking frå arrangørklubben og Kvam Langrenn og Skiskytterklubb. Veret var fint og deltakarar og publikum kosa seg i den fine septemberkvelden.

Bilete: Eit startfelt på 60m gjer seg klare, og ventar på startskotet frå Svein Ove Duesund.

Det var omlag åtti deltakarar på dette stemnet. Kvam LSK har vore på fleire friidrettstreningar i Strandebarm i haust, og stilte med ein stor tropp. Det var særleg blant rekruttane det var veldig stor deltaking. Dei deltok med stor glede og iver i 60m og i Liten ball. For dei over 10 år kunne ein også delta i litt lenge løp, høgde og kule. Det var også med nokre vaksne deltakarar. Ove Måge, SIL og Edvin Øygard (frå Eikelandsosen) Jølster IL, gjorde unna 1500m som var kveldens lengste løp. Edvin Øygard har vore her på stemne før, og har også sterke tider i Vinterkarusellen. Ove Måge prikkar inn forma no sidan Stolzekleiven Opp i Bergen nærmar seg. Der har han fleire svært sterke plasseringar. 

Det var også kjekt at det kom so mykje publikum til Idrettsparken denne fine kvelden. Mange var sjølvsagt foreldre til borna som var med. Men det var også mange andre som møtte fram for å sjå fin idrett og treffa folk i Idrettsparken. Kiosken var open og folk hyggja seg med vaffler, is, brus og kaffe. Dette var sesongens siste stemne. Idrettslaget håpar at deltakarane held fram med friidrettstrening og annan aktivitet gjennom vinteren. For dei minste startar Barneidrettsgruppa snart opp med varierte aktivitetar gjennom vinterhalvåret. Kvam LSK har eit kjempebra tilbod til folk i ulike aldrar. Hovudfokus er på skiidrett om vinteren. Men klubben driv har eit variert aktivitetstilbod også på andre tider av året. Strandebarm Idrettslag er svært glade for Kvam LSK sin deltakelse på trening og stemne, og ynskjer hjarleg velkomen att ved neste høve.

Neste friidrettsarrangement i Strandebarm vert Vinterkarusellen som startar opp tysdag 11. oktober kl 19. Løype 4 km og start og mål på Idettsparken, 
nedanfor er synt resultalista. Den ligg også under Vedlegg på denne sida; oppe til høgre (pc) og under (mobiltelefon)