Karusellen rullar vidare i snøen.

45 deltakarar stilte til start på sesongens sjette karuselløp. Det var fin vinter, og føret var ikkje so verst, særleg ikkje i riksvegen.

Tidene var nok litt prega av litt glatt føre somme stader. Brhanu M Musa (biletet) og Ove Måge har delt på å kome fyrst i mål dei par siste gongane. Denne gongen var det Ove som kom fyrst, med Brhanu som andre mann. Sist gong var det omvendt. Blant kvinnene var Torild Kveberg fyrst over målstreken. Det var fleire gode resultat blant kvinnene av både store og små. Men det er trim og mosjon som står i høgsetet. Premiane vert trekte på startnummer. Den gjvaste av dei vart vunnen av Magne Kolstad. Det var eit gåvekort på kr. 500,- til brukk hjå Mo Sport i Norheimsund. Elles vart det trekt to posar med masse spanande innhald, i tillegg til to buffar med karusellmotiv. 

Neste gong vil ein være komen fram til 19. februar. Det vert sesongens nest-siste løp. Tre veker etter det;12. mars, vert det avslutnungssermoni i kantina på skulen etter løpet. Vel møtt, alle.

Resultat 6. løp 29. januar 2019