Klart for julaløp på vinterkarusellen tysdag 18. desember

Tysdag 18. desember går sesongens fjerde karuselløp av stabelen i Strandebarm. Då er jula komen til karusellen og i tillegg til god trim vert det nisse, pepperkaker, mandariner, gløgg m.m. på vinterkarusellen. Det er meldt nokre plussgrader og oppletttsver, med andre ord; perfekte løpsforhold.

Det har vore ganske god deltaking på dei tre fyrste løpa i årets karusellsesong. På sist løp var det ganske kaldt, men vel 50 deltakarar stilte til start. På dei to fyrste løpa var det litt over 80 deltakarar. Arrangøren håpar på eit solid startfelt også denne tysdagen. I tillegg til julekos vert det som vanleg trekking av gåvepremiane, der gåvekort på Mo Sport pålydande kr 500,- er den gjevaste premien. Løypa er som alltid fire kilometer lang med start og mål på Strandebarm Idrettspark. Der er det gode garderobefasilitetar og bra med parkering. Strandebarm Idrettslag ynskjer alle vel møtt!