Flotte forhold på sesongens nest siste karuselløp

Tysdag 14. februar vart sesongens sjuande løp i Vinterkarusellen arrangert. Over seksti deltakarar stilte til start. Det var nokre plussgrader, stilt og bàr veg, m.a.o flotte forhold for springing.

Torild Kveberg og Ketil Karlsen.  Foto: Strandebarm IL - arkivbilete

Det var god deltaking frå folk i alle aldrar. Mange born frå dei minste i vogna og oppetter, var med. Også godt vaksne seniorar var på startstreken. Det er også kjekt at det var fleire nye påmeldingar denne tysdagskvelden. Bl.a. stilte familien Erdal Klyve frå Norheimsund opp, for fyrste gang i år. Det var deltakarar frå Bergen til Øystese, innberekna Kvinnherad. Altin Imeri deltok for fyrste gang. Han vart fødd medan familien budde på Oma etter at dei kom som flykningar frå Kosovo fyrst på 2000-talet. Han sprang godt og kom inn som tredjemann. 

Neste og siste løp i årets Vinterkarusell vert tysdag 7. mars kl 19. Etter løpet vert det avslutningssermoni i kantina på skulen. Då vert det utdeling av medaljar til alle som har delteke på minst fem av dei åtte løpa. Det vert også trekking av eindel gåvepremiar. Blant dei som har vore med på fem løp, vert det m.a. trekt eitt gåvekort på kr. 2000,- til bruk på Mo Sport i Norheimsund. Alle er hjartleg velkomne!

Resultat 7. løp i Vinterkarusellen 14. februar 2023.