Fin trimkveld trass regn og slaps på Vinterkarusellen

Sjette løpet i Vinterkarusellen gjekk unna tysdag 24. januar på Idrettsparken. 35 deltakarar stilte opp i det guffne veret denne kvelden. Det var god innsats og fleire sterke tider, trass vanskeleg føre.

Både Sondre Svåsand Måge og systera Amalie var heime, og deltok denne kvelden. Sondre kom inn på den sterke tida 13,53. Andreas Kjellby var neste mann, føre Ove Måge og John Olav Måge. Blant jentene var det igjen Lillian Ege Berentsen som var fyrst over målstreken. Dei neste var Monica Rinde Oma, Torild Kveberg og nemnde Amalie Svåsand Måge. Uansett er Vinterkarusellen eit trimarrangement som femner breitt, og det var god deltaking og god innsats frå både store og små. Det vart igjen ein kjekk trimkveld i det ufyselege veret og - føret. På idrettsparken har ein uansett alle fasilitetar med gode garderobar for å skifte og dusje. Neste løp er 14. februar kl 19. 

Resultat 6. løp 24. januar 2023