God deltaking på julaløpet på vinterkarusellen

På Luciadagen 13. desember vart sesongens fjerde vinterkaruselløp arrangert. Deltakinga var god, stemninga var på topp og nissen var på plass.

Det kjølna utover ettermiddagen, so det kunne være glatt nokon stader i løypa. Men rundt idrettsbanen og i riksvegen var det salta, so der var det helst greie forhold. 
Deltakinga var god frå folk ialle aldrar. Mange born var også med denne fine førjulskvelden. Nissen hadde også dette året ffunne vegen til Strandebarm IDrettspark i anledning julaløpet i vinterkarusellen. Han hadde med seg ein stor sekk full av mandariner og twist. Elles var det gløgg og pepparkaker å ete på. Som avslutning var det trekking av gåvepremiar. Fyrste premie vart trekt av Amalie Svåsand Måge, og ho trekte like godt seg sjølv som den heldige vinnar av premien. Hovudpremien på kr. 500,- til bruk på Mo Sport i Norheimsund var vunnen av Irene Tangerås.  

Torild Kveberg var som så ofte, fyrste kvinne over målstreken, føre Irene Tangerås og Liv Berit Bru Eide.Blant gutta var det også ein solid vinterkarusellveteran; Ove Måge, som har kryssa mållina fyrst mange gongar. So kom Knut Øystein Fosse, føre ungguten Valdemar Børresen (14) som igjen imponerte med eit flott løp. 

Resultat, 4. løp 13. desember 2016