Karusellstart i Strandebarm i 2020

7. januar gjekk årets fyrste vinterkaruselløp av stabelen. Det var mildt og fint føre, men ganske mykje regn denne kvelden. Litt vind var det òg. Men i underkant av femti karuselldeltakarar var på plass.

Det var som vanleg trimmarar i alle aldrar. Innsatsen var framifrå blant dei alle. Av dei som stiller på start for å springe raskt var igjen Sunniva Steine raskaste jente, føre Amalie Svåsand Måge og Torild Kveberg. Blant gutta var det Sondre Svåsand Måge som kom fyrst, føre hans onkel Ove. Mikal E Børsheim var tredjemann i mål. På bilete diskuterar Simen Lillfosse og Reidar Nerhus f.v. om kveldens løp. Mikal E Børsheim er som alltid i godt humør, og andre kvinna over målstreken; Amalie Svåsand Måge, drikk saft. 

Det var jamnt over greie tider på deltakarane. Men regn og litt vind, la nok ein dempar på moglegheitene til å oppnå dei store resultata. Etterpå var det trekking av gåvepremiar blant kveldens deltararar. Vinnarar av diverse premiar vart Grethe Hjertaker, Triana K Nerhus, Monica Rinde Oma og Benjamin Stave Mjåtvedt. Hovudpremien på kr. 500,- til bruk på Mo Sport i Norheimsund, var det trufaste Turid Lid som vann. Det var vel fortent. Dette var det femte løpet denne sesongen. Om tre veker er det nytt løp. Då er ein komen til 28. januar, og løpet startar som alltid klokka 19.

Resultat 5. løp, 7. januar 2020